[๒๔๖] ทฺวาทสเม ลูขจีวรธรานนฺติ ตีหิ ลูเขหิ สมนฺนาคตํ ปํสุกูลํ ธาเรนฺตีนํ กิสาโคตมี อคฺคาติ ทสฺเสติ. โคตมีติสฺสา นามํ, โถกํ กิสาธาตุกตฺตา ๕- ปน

@กจฺจานาเตฺวว สงขํ คตา ๓ ฉ.ม.,อิ. สา หิ ๔ ฉ.ม.,อิ. สุปฺปพุทฺธสกฺกสฺส

@๕ สี.,อิ. โถกํ กิลนฺตธาตุกตฺตา กิสาโคตมีติ วุจฺจติ. อยํปิ ปทุมุตฺตรพุทฺธกาเล หํสวติยํ กุลเคเห นิพฺพตฺติตฺวา สตฺถุ ธมฺมเทสนํ สุณนฺตี สตฺถารํ เอกํ ภิกฺขุนึ ลูขจีวรธรานํ อคฺคฏฺฐาเน ฐเปนฺตํ ทิสฺวา อธิการกมฺมํ กตฺวา ตํ ฐานนฺตรํ ปฏฺเฐสิ. สา กปฺปสตสหสฺสํ เทวมนุสฺเสสุ สํสริตฺวา อิมสฺมึ พุทฺธุปฺปาเท สาวตฺถิยํ ทุคฺคตกุเล นิพฺพตฺติตฺวา วยปฺปตฺตกาเล เอกํ กุลํ อคมาสิ, ตตฺถ นํ "ทุคฺคตกุลสฺส ธีตา"ติ ปริภวึสุ.