ยโสปิ กุลปุตฺโต รตฺติภาคสมนนฺตเร วิวฏํ อิตฺถาคารํ ทิสฺวา สญฺชาตสํเวโค "อุปทฺทูตํ วต โภ, อุปสฏฺฐํ วต โภ"ติ วตฺวา นิเวสนโต นิกฺขมิตฺวา พหินคเร สตฺถุ สนฺติกํ คนฺตฺวา ธมฺมเทสนํ สุตฺวา ตีณิ มคฺคผลานิ ปฏิวิชฺฌิ. อถสฺส ปิตา ปทานุปทิกํ คนฺตฺวา ๒- ภควนฺตํ อุปสงฺกมิตฺวา ยสสฺส ปวุตฺตึ ปุจฺฉิ. สตฺถา ยสํ กุลปุตฺตํ ปฏิจฺฉาเทตฺวา ธมฺมํ เทเสสิ. เทสนาปริโยสาเน โส เสฏฺฐี คหปติ โสตาปตฺติผเล ปติฏฺฐาสิ, ยโส อรหตฺตผลํ ปาปุณิ. ตํ ภควา "เอหิ ภิกฺขู"ติ

วิสาขาวตฺถุ

[๒๕๙] ทุติเย ทายิกานนฺติ ทานาภิรตานํ ๒- อุปาสิกานํ วิสาขา มิคารมาตา อคฺคาติ ทสฺเสติ. สา กิร ปทุมุตฺตรพุทฺธกาเล หํสวติยํ กุลเคเห นิพฺพตฺตา อปรภาเค สตฺถุ ธมฺมเทสนํ สุณนฺตี สตฺถารํ เอกํ อุปาสิกํ ทายิกานํ อคฺคฏฺฐาเน ฐเปนฺตํ ทิสฺวา อธิการกมฺมํ กตฺวา ตํ ฐานนฺตรํ ปฏฺเฐสิ. สา กปฺปสตสหสฺสํ เทวมนุสฺเสสุ สํสริตฺวา กสฺสปพุทฺธกาเล กึกิสฺส กาสิกรญฺโญ เคเห สตฺตนฺนํ ภคินีนํ สพฺพกนิฏฺฐา หุตฺวา นิพฺพตฺติ. ตทา หิ ๓- :-