@เอตปรมาว ๔ สี.,อิ. กรกปกฺกํ, ฉ.ม. การิตปตฺตํ ๕ ฉ.ม. อติวิย ปริณตวยา อิตฺถี

@วิย ยาสิ สาฏกสฺส เตมนภาวํ น คเณสิ. สเจ ตํ หตฺถี วา อสฺโส วา อนุพนฺเธยฺย, กึ เอวเมว กเรยฺยาสีติ. ตาตา สาฏกา นาม น ทุลฺลภา, สุลภา มยฺหํ กุเล สาฏกา. วยปฺปตฺตา มาตุคามา ปน วิกฺกิณิยภณฺฑสทิสา, ๑- หตฺเถ วา ปาเท วา ภคฺเค องฺควิกลํ มาตุคามํ ชิคุจฺฉนฺตา นุฏฺฐหิตฺวา คจฺฉนฺติ, ๒- ตสฺมา สณิกํ อาคตมฺหีติ.

เต จินฺตยึสุ "อิมาย สทิสา อิมสฺมึ ชมฺพูทีเป อิตฺถี นาม นตฺถิ, ยาทิสา รูเปนปิ, กถายปิ ตาทิสาว. การณาการณํ ญตฺวา กเถตี"ติ ตสฺสา อุปริ มาลาคุฬํ ขิปึสุ. อถ วิสาขา จินฺเตสิ "อหํ ปุพฺเพ อปริคฺคหิตา, อิทานิ ปน ปริคฺคหิตมฺหี"ติ วินีเตนากาเรน ภูมิยํ นิสีทิ. อถ นํ ตตฺเถว สาณิยา ปริกฺขิปึสุ. สา ปฏิจฺฉนฺนภาวํ ญตฺวา ทาสีคณปริวุตา เคหํ อคมาสิ. เตปิ มิคารเสฏฺฐิโน ปุริสา ตาย สทฺธึเยว ธนญฺชยเสฏฺฐิสฺส สนฺติกํ อคมํสุ. "กตรคามวาสิโน ตาตา ตุเมฺห"ติ จ ปุจฺฉิตา "สาวตฺถินคเร มิคารเสฏฺฐิโน ปุริสมฺหา"ติ วตฺวา "มยํ อมฺหากํ เสฏฺฐินา ตุมฺหากํ เคเห วยปฺปตฺตา ทาริกา อตฺถีติ สุตฺวา เปสิตา"ติ. สาธุ ตาตา, ตุมฺหากํ เสฏฺฐี กิญฺจาปิ โภเคน อเมฺหหิ อสทิโส, ชาติยา ปน สทิโส. สพฺพาการสมฺปนฺโน นาม ทุลฺลโภ คจฺฉถ ตุเมฺห เสฏฺฐิสฺส อเมฺหหิ สมฺปฏิจฺฉิตภาวํ อาโรเจถาติ.

เต ตสฺส วจนํ สุตฺวา สาวตฺถึ คนฺตฺวา มิคารเสฏฺฐิสฺส ตุฏฺฐิญฺจ วุฑฺฒิญฺจ ปเวเทตฺวา "ลทฺธา โน สามิ สาเกเต ธนญฺชยเสฏฺฐิสฺส เคเห ทาริกา"ติ อาหํสุ. ตํ สุตฺวา มิคารเสฏฺฐี "มหากุลเคเห กิร โน ทาริกา ลทฺธา"ติ ตุฏฺฐมานโส หุตฺวา ตาวเทว ธนญฺชยเสฏฺฐิโน สาสนํ ปหิณิ "อิทาเนว ทาริกํ อานยิสฺสาม, กตฺตพฺพกิจฺจํ กโรตู"ติ. โสปิสฺส ปฏิสาสนํ เปเสสิ "นยิทํ อมฺหากํ ภาริยํ, เสฏฺฐี ปน อตฺตโน กตฺตพฺพกิจฺจํ กโรตู"ติ. โส โกสลรญฺโญ สนฺติกํ คนฺตฺวา อาโรเจสิ "เทว เอกา เม มงฺคลกิริยา อตฺถิ, ทาสสฺส เต ปุณฺณวฑฺฒนสฺส ธนญฺชยเสฏฺฐิโน ธีตรํ วิสาขํ นาม ทาริกํ อาเนสฺสามิ, สาเกตนครคมนํ เม อนุชานาถา"ติ.