ตสฺมึ จ ขเณ ตสฺส เสฏฺฐิโน ธีตุยา เอกา ทาสี เสฏฺฐิธีตุ ปุปฺผานิ อาหริตุํ คจฺฉติ. อถ นํ เสฏฺฐี อาห "ตฺวํ อมฺม เอตํ กมฺมํ ฐเปตฺวา โฆสกกุมารสฺส ปาเท โธวิตฺวา สยนํ อตฺถริตฺวา เทหี"ติ. สา ตถา กตฺวา อาปณํ คนฺตฺวา เสฏฺฐิธีตุ ปุปฺผานิ อาหริ. เสฏฺฐิธีตา ตํ ทิสฺวา "ตฺวํ อชฺช จิรํ พหิ ปปญฺเจสี"ติ ตสฺสา กุปิตา ๖- "กินฺเต เอตฺตกํ กาลํ เอตฺถ กตนฺ"ติ อาห. "มา กเถหิ ๗- อยฺเย, มยา เอวรูโป น ทิฏฺฐปุพฺโพ, ตุยฺหํ กิร ปิตุ สหายเสฏฺฐิโน ปุตฺโต เอโก, น สกฺกา ตสฺส รูปสมฺปตฺตึ กเถตุํ. เสฏฺฐี มํ ปุปฺผานํ อตฺถาย คจฺฉนฺตึ `ตสฺส กุมารสฺส ปาเท โธวิตฺวา สยนํ อตฺถริตฺวา เทหี'ติ อาห, เตนาหํ พหิ จิรํ ปปญฺเจมี"ติ. สาปิโข เสฏฺ ฐิธีตา ตสฺส กุมารสฺส จตุตฺเถ อตฺตภาเว ฆรสามินี อโหสิ, ตสฺมา ตสฺสา วจนสฺส สุตกาลโต ปฏฺฐาย เนว อตฺตโน ฐิตภาวํ, น นิสินฺนภาวํ อญฺญาสิ. สา ตเมว ทาสึ คเหตฺวา ตสฺส นิปนฺนฏฺฐานํ คนฺตฺวา ตํ นิทฺทายมานํ โอโลเกตฺวา ทุสฺสนฺเต ๘- ปณฺณํ ทิสฺวา "กึ นุ โข เอตํ ปณฺณนฺ"ติ กุมารํ อนุฏฺฐาเปตฺวาว ปณฺณํ คเหตฺวา วาเจตฺวา "อยํ อตฺตโน มรณปณฺณํ สยเมว คเหตฺวา คจฺฉตี"ติ ๙- ตํ ปณฺณํ ผาเลตฺวา ตสฺมึ อปฺปพุทฺเธเยว "มยา

@๔ ฉ.ม.,อิ. คามกเสฏฺฐิสฺส. เอวมุปริปิ ๕ สี.,อิ. มสฺสุกมฺมํ กโรนฺตํ,

@ฉ.ม. กโรนฺตํ ๖ ฉ.ม. กุชฺฌิตฺวา ๗ ฉ.ม.,อิ. กเถสิ ๘ สี.,อิ. ทสนฺเต