@๔ ฉ.,อิ. อาเนตุํ ๕ ก. อคฺคิมฺหิ ทฑฺโฒ ๖ ฉ.,อิ. ปกฺโกสิตฺวา

@๗-๗ สี.,อิ. กุมาโร คนฺตุํ อารทฺโธ ๘ สี.,อิ. กํ ๙-๙ ฉ.ม.,อิ. อิมํ สมฺปตฺตึ

@อลตฺถนฺติ ๑๐ ฉ.ม.,อิ. คมนปฏิพาหนุปาโย ๑๑ สี. มา อติเวคายิ

โกสมฺพิกเสฏฺฐีปิ ตสฺส จิรายนภาวํ ญตฺวา ปุน สาสนํ ปหิณิ "กสฺมา เม ปุตฺโต จิรายติ, อหํ โลหิตปกฺขนฺทิกโรคํ ปตฺโต, ชีวนฺตเมว มํ อาคนฺตฺวา ทฏฺฐุํ วฏฺฏตี"ติ. ตสฺมึ กาเล เสฏฺฐิธีตา ตสฺส อาโรเจสิ "น เอโส ตว ปิตา, ตฺวํ ปน `ปิตา'ติ สญฺญํ กโรสิ. เอส ตว มารณตฺถาย กมฺมนฺติกสฺส ปณฺณํ ปหิณิ, อหํ ตํ ปณฺณํ อปเนตฺวา อญฺญํ สาสนํ ลิขิตฺวา ตว เอตํ สมฺปตฺตึ อุปฺปาทยึ. เอส ตํ `อปุตฺตํ ๑- กริสฺสามี'ติ ปกฺโกสติ, เอตสฺส กาลกิริยํ อาคเมหี"ติ. อถสฺส ๒- ธรมาเนน อคนฺตฺวา ตสฺส ทุพฺพลภาวํ ๒- สุตฺวา โกสมฺพินครํ อคมาสิ. เสฏฺฐิธีตาปิ ตสฺส พหิเยว ๓- สญฺญํ อทาสิ "ตฺวํ ปวิสนฺโต สกลเคเห ตว อารกฺขํ ฐเปนฺโตว ปวิสา"ติ. สยํปิ เสฏฺฐิปุตฺเตน สทฺธิเมว ปวิสิตฺวา อุโภ หตฺเถ อุกฺขิปิตฺวา โรทนฺตี วิย หุตฺวา อนฺธการกฏฺฐาเน นิปนฺนกสฺส เสฏฺฐิสฺส สนฺติกํ คนฺตฺวา สีเสเนว หทยํ ปหริ. โส ทุพฺพลตาย เตเนว ปหาเรน กาลมกาสิ.