ปาทาปิ นํ สมฺผุสิตุํ น อิจฺเฉ"ติ. ๔-

มาคณฺฑิยา จินฺเตสิ "อนตฺถิเกน นาม `อลนฺ'ติ วุตฺตํเยว วฏฺฏติ. อยํ ปน มม สรีรํ มุตฺตกรีสปุณฺณํ นาม กตฺวา `ปาทาปิ นํ สมฺผุสิตุํ น อิจฺเฉ'ติ อโวจ, เอกํ อิสฺสริยฏฺฐานํ ลภนฺตี สตฺถุเมว ๕- ปสฺสิสฺสามี"ติ อาฆาตํ พนฺธิ. สตฺถา ตํ อมนสิกตฺวา จริยวเสน พฺราหฺมณสฺส ธมฺมเทสนํ อารภิ. เทสนาปริโยสาเน อุโภปิ ชายปติกา ๖- อนาคามิผเล ปติฏฺฐาย "อิทานิ อมฺหากํ ฆราวาเสน อตฺโถ นตฺถี"ติ ธีตรํ มาคณฺฑิยํ ๗- จูฬปิตรํ สมฺปฏิจฺฉาเปตฺวา อุโภปิ ปพฺพชิตฺวา อรหตฺตํ ปาปุณึสุ. อถ ราชา อุเทโน จูฬมาคณฺฑิเยน สทฺธึ โวหารํ กตฺวา มาคณฺฑิยทาริกํ ราชานุภาเวน เคหํ อาเนตฺวา อภิเสกํ กตฺวา ตสฺสา ปญฺจมาตุคามสตปริวาราย วาสนตฺถํ ๘- วิสุํ ปาสาทํ อทาสิ.

@รคญฺจ, อิ. อรตึ ราคญฺจ ๔ ขุ.สุ. ๒๕/๘๔๒/๔๙๘ ๕ สี.,อิ. อนฺตเมวสฺส,