@ฉ.ม. อนฺตรเมวสฺส ๖ ฉ.ม.,อิ. ชายมฺปติกา

@๗ สี.,อิ. มาคนฺทิย.... สพฺพตฺถ. เอวมุปริปิ ๘ สี.,อิ. วสนตฺถาย, ฉ.ม. วสนฏฺฐานํ

สตฺถาปิ โข อนุปุพฺเพน จาริกํ จรนฺโต ๑- โกสมฺพินครํ สมฺปาปุณิ. เสฏฺฐิโน สตฺถุ อาคมนํ สุตฺวา ปจฺจุคฺคมนํ กตฺวา ปญฺจปติฏฺฐิเตน วนฺทิตฺวา เอกมนฺตํ นิสินฺนา ภควนฺตํ เอตทโวจุํ "อิเม ภนฺเต ตโย วิหารา ตุเมฺห อุทฺทิสฺส กตา, ปฏิคฺคณฺหถ ภนฺเต วิหาเร จาตุทฺทิสสฺส สํฆสฺส สงฺคหตฺถายา"ติ. ปฏิคฺคเหสิ ภควา วิหาเร. เตปิ เสฏฺฐิโน สตฺถารํ สฺวาตนาย นิมนฺเตตฺวา อภิวาเทตฺวา ฆรํ อคมํสุ.

มาคณฺฑิยาปิ โข สตฺถุ อาคตภาวํ สุตฺวา ฉินฺนภินฺนเก ธุตฺเต ปกฺโกสาเปตฺวา เตสํ ลญฺจํ ทตฺวา "ตุเมฺห สมณํ โคตมํ อิมินา อิมินา จ นิยาเมน อกฺโกสถา"ติ วตฺวา อุยฺโยเชสิ. เต สตฺถุ อนฺโตคามํ ปวิสนเวลาย สปริวารํ สตฺถารํ นานาวิเธหิ อกฺโกเสหิ อกฺโกสึสุ. อายสฺมา อานนฺโท สตฺถารํ อาห "ภนฺเต เอวรูเป อกฺโกสนฏฺฐาเน น วสิสฺสาม, อญฺญํ นครํ คจฺฉามา"ติ. สตฺถา "อานนฺท ตถาคตา นาม อฏฺฐหิ โลกธมฺเมหิ น กมฺปนฺติ, อยํปิ สทฺโท สตฺตาหํ นาติกฺกมิสฺสติ, อกฺโกสกานํเยว อุปริ ปติสฺสติ, ตฺวํ มา วิตกฺกยี"ติ. ๒- เต หิ ๓- ตโย นครเสฏฺฐิโน มหาสกฺกาเรน ภควนฺตํ ปเวเสตฺวา มหาทานํ อทํสุ. เตสํ อปราปรํ ทานํ ททนฺตานํเยว มาโส อติกฺกมิ, อถ เนสํ เอตทโหสิ "พุทฺธา นาม สพฺพโลกํ อนุกมฺปมานา อุปฺปชฺชนฺติ, อญฺเญสํปิ โอกาสํ ทสฺสามา"ติ. เต ๔- โกสมฺพินครวาสิโนปิ ชนสฺส โอกาสํ อกํสุ. ตโต ปฏฺฐาย นาครา ๕- วีถิสภาเคน คณสภาเคน มหาทานํ เทนฺติ.