@๖ ฉ.ม. กติปาเหเนว ๗ ฉ.ม. สเจ เม วจนํ น สทฺทหสิ คนฺตฺวา อุปธาเรหิ มหาราชา"ติ อาห. ราชา คนฺตฺวา คพฺเภสุ ฉิทฺทํ ทิสฺวา "อิทํ กินฺ"ติ ปุจฺฉิตฺวา ตสฺมึ อตฺเถ อาโรจิเต ตาสํ อกุชฺฌิตฺวา กิญฺจิ อวตฺวา ฉิทฺทานิ ปิทหาเปสิ. ราชา ตโต ปฏฺฐาย ตาสํ ปาสาเท ฉิทฺทกชาลวาตปานานิ ๑- กาเรสิ.

สา เตน การเณน ราชานํ โกเปตุํ อสกฺโกนฺตี "เทว เอตาสํ ตุเมฺหสุ เปมํ อตฺถิ วา นตฺถิ วาติ ชานิสฺสาม, อฏฺฐ กุกฺกุเฏ เปเสตฺวา ตุมฺหากํ อตฺถาย ปจาเปถา"ติ อาห. ราชา ตสฺสา วจนํ สุตฺวา "อิเม ปจิตฺวา เปเสตู"ติ สามาวติยา อฏฺฐ กุกฺกุเฏ ปหิณิ. โสตาปนฺนา อริยสาวิกา ชีวมาเน กุกฺกุเฏ กึ ปเจสฺสติ, อลนฺติ วตฺวา ปุน ๒- หตฺเถนปิ ผุสิตุํ น อิจฺฉิ. มาคณฺฑิยา "โหตุ มหาราช, เอเตเยว กุกฺกุเฏ สมณสฺส โคตมสฺส ปจนตฺถาย เปเสหี"ติ. ราชา ตถา อกาสิ. มาคณฺฑิยา อนฺตรามคฺเคเยว เต กุกฺกุเฏ มาราเปตฺวา "อิเม กุกฺกุเฏ ปจาเปตฺวา สมณสฺส โคตมสฺส เทตู"ติ ปหิณิ. สา ตถาสญฺญีภาเวน ๓- ทสพลญฺจ อุทฺทิสฺส ปหิตภาเวน ปจิตฺวา ทสพลสฺส เปเสสิ. มาคณฺฑิยา "ปสฺส มหาราชา"ติ วตฺวา เอตฺตเกนปิ ราชานํ โกเปตุํ นาสกฺขิ.

อยํ ปน อุเทโน ตาสุ เอเกกิสฺสา วสนฏฺฐาเน สตฺต สตฺต ทิวสานิ วสิ. อถายํ มาคณฺฑิยา เอกํ กณฺหสปฺปโปตกํ เวณุปพฺเพ ๔- ปกฺขิปาเปตฺวา อตฺตโน วสนฏฺฐาเน ฐเปสิ. รญฺโญปิ ๕- ยตฺถ กตฺถจิ คจฺฉนฺตสฺส หตฺถิกนฺตวีณํ อาทาเยว คมนํ อาจิณฺณํ, มาคณฺฑิยา รญฺโญ อตฺตโน สนฺติกํ อาคมนกาเล ตํ สปฺปโปตกํ อนฺโตวีณายํ ปกฺขิปิตฺวา ฉิทฺทํ ปิทหาเปสิ. อถ นํ สามาวติยา สนฺติกํ คมนกาเล "มหาราช สามาวตี นาม สมณสฺส โคตมสฺส ปกฺขา, ตุเมฺห น คเณติ, ยงฺกิญฺจิ กตฺวา ตุมฺหากํ โทสเมว จินฺเตติ, อปฺปมตฺตา โหถา"ติ อาห. ราชา สามาวติยา วสนฏฺฐานมฺปตฺโต สตฺตาหํ วีตินาเมตฺวา ๖- ปุน สตฺตาเห มาคณฺฑิยาย นิเวสนํ