สุปฺปวาสาวตฺถุ

[๒๖๓] ฉฏฺเฐ ปณีตทายิกานนฺติ ปณีตรสทายิกานํ ๓- อุปาสิกานํ สุปฺปวาสา โกลิยธีตา อคฺคาติ ทสฺเสติ. สา กิร ปทุมุตฺตรพุทฺธกาเล หํสวติยํ กุลเคเห นิพฺพตฺตา สตฺถุ ธมฺมเทสนํ สุณนฺตี สตฺถารํ เอกํ อุปาสิกํ ปณีตทายิกานํ อคฺคฏฺฐาเน ฐเปนฺตํ ทิสฺวา อธิการกมฺมํ กตฺวา ตํ ฐานนฺตรํ ปฏฺเฐสิ. สา กปฺปสตสหสฺสํ เทวมนุสฺเสสุ สํสริตฺวา อิมสฺมึ พุทฺธุปฺปาเท โกลิยนคเร ขตฺติยกุเล นิพฺพตฺติ, สุปฺปวาสาติสฺสา นามํ อกํสุ. สา วยปฺปตฺตา เอกสฺส สกฺยกุมารสฺส เคหํ คตา ปฐมทสฺสเนเนว ๔- สตฺถุ ธมฺมกถํ สุตฺวา โสตาปตฺติผเล ปติฏฺฐาสิ. สา อปรภาเค สีวลึ นาม ทารกํ วิชายิ. ตสฺส วตฺถุ เหฏฺฐา วิตฺถาริตเมว.

@๔ ฉ.ม.,อิ. ปฐมทสฺสเนเยว