ยา จ เจตนาติอาทีสุ ทิฏฺฐิสหชาตา จ เจตนา เจตนา นาม, ทิฏฺฐิสหชาตาว ปฏฺฐนา ปฏฺฐนา นาม, เจตนาปฏฺฐนานํ วเสน จิตฺตฏฺฐปนา ๑- ปณิธิ นาม, เตหิ ปน เจตนา ทิฏฺฐิสมฺปยุตฺตา ๒- ผสฺสาทโย สงฺขารา นาม. ทิฏฺฐิ หิ ๓- ภิกฺขเว ปาปิกาติ ยสฺมา ตสฺส ปุคฺคลสฺส ทิฏฺฐิ ปาปิกา ลามกา. ๔- นิกฺขิตฺตนฺติ โรปิตํ. อุปาทิยตีติ คณฺหาติ. กฏุกตฺตายาติ อิทํ ปุริมสฺเสว เววจนํ.

"วณฺณคนฺธรสูเปโต อมฺโพยํ อหุวา ปุเร

ตเมว ปูชํ ลภมาโน เกนมฺโพ กฏุกปฺผโล.

ปุจิมนฺทปริวาโร อมฺโพ เต ทธิวาหน