เวทนาสุ เวทนานุปสฺสีติ สุขาทิเภทาสุ เวทนาสุ "สุขํ เวทนํ เวทิยมาโน สุขํ เวทนํ เวทิยามีติ ปชานาติ. ทุกฺขํ, อทุกฺขมสุขํ, สามิสํ วา สุขํ, นิรามิสํ วา สุขํ, สามิสํ วา ทุกฺขํ, นิรามิสํ วา ทุกฺขํ, สามิสํ วา อทุกฺขมสุขํ, นิรามิสํ วา อทุกฺขมสุขํ เวทนํ เวทิยมาโน นิรามิสํ อทุกฺขมสุขํ เวทนํ เวทิยามีติ ปชานาตี"ติ. ๕- เอวํ วุตฺตํ นววิธํ เวทนํ อนุปสฺสนฺโต อาตาปีติอาทินา ปเนตฺถ นววิเธน เวทนานุปสฺสนาสติปฏฺฐานสฺส ภาวนาปริคฺคาหิกานํ วิริยปญฺญาสตีนํ วเสน อตฺโถ เวทิตพฺโพ. โลเกติ ๖- เจตฺถ เวทนา ๗- เวทิตพฺพา.

จิตฺตธมฺเมสุปิ เอเสว นโย. เอตฺถ ปน จิตฺเต จิตฺตานุปสฺสีติ "สราคํ วา จิตฺตํ สราคํ จิตฺตนฺติ ปชานาตี"ติ ๘- เอวํ วิตฺถาริเต โสฬสปฺปเภเท จิตฺเต เอวํ ๙-

@๔ สี. ปริคฺคหณปญฺญาย, ฉ.ม. ปริคฺคาหิกปญฺญาย ๕ ที.ม. ๑๐/๓๘๐/๒๕๔,