ปิณฺฑปาติยตฺเถรวตฺถุํ ๕- ปน เอวํ เวทิตพฺพํ:- มหาคาเม กิเรโก ทลิทฺทปุริโส ทารุวิกฺกเยน ชีวิตํ ๖- กปฺเปติ, โส เตเนว การเณน นามํ ลภิตฺวา ทารุภณฺฑก- มหาติสฺโส นาม ชาโต. โส เอกทิวสํ อตฺตโน ภริยํ อาห "กึ อมฺหากํ ชีวิตํ นาม, สตฺถารา ทลิทฺททานสฺส มหปฺผลภาโว กถิโต, มยญฺจ นิพทฺธํ ทาตุํ น สกฺโกม, ปกฺขิกภตฺตํ ๗- ทตฺวา ปรํ อุปฺปนฺนสลากภตฺตํปิ ๘- ทสฺสามา"ติ. สา "สาธุ สามี"ติ สมฺปฏิจฺฉิตฺวา ปุนทิวเส ยถาลาเภน ปกฺขิกภตฺตํ อทาสิ. ภิกฺขุสํฆสฺส จ ปจฺจเยหิ นิปฺปริสฺสยกาโล โหติ, ทหรสามเณรา ปณีตโภชนานิ ภุญฺชิตฺวา "อยํ ลูขาหาโร"ติ เตสํ ปกฺขิกภตฺตํ คหิตมตฺตกเมว กตฺวา เตสํ ปสฺสนฺตานํเยว ฉฑฺเฑตฺวา คจฺฉนฺติ.

สา จ ๙- อิตฺถี ตํ ทิสฺวา สามิกสฺส กเถสิ, "มยา ทินฺนํ ฉฑฺเฑนฺตี"ติ ปุน น ๑๐- วิปฺปฏิสารินี อโหสิ. ตสฺสา สามิโก อาห "มยํ ทุคฺคตภาเวน อยฺยานํ สุเขน ปน ปริภุญฺชาเปตุํ น สกฺขิมฺห, กึ นุ โข กตฺวา อยฺยานํ ๑๑- มนํ คเหตุํ สกฺขิสฺสามา"ติ. อถสฺส ภริยา อาห "กึ วเทสิ สามิ, สปุตฺตกา ทุคฺคตา นาม

@วิโรจิตฺถ ๔ ฉ.ม. อยํ ปาโฐ น ทิสฺสติ ๕ ฉ.ม. ปิณฺฑปาติกติสฺสตฺเถรวตฺถุ