ตสฺมึ สมเย อมฺพริยมหาวิหารวาสี ปิณฺฑปาติยติสฺสตฺเถโร "มหาวิหารํ ๘- คนฺตฺวา เจติยํ วนฺทิสฺสามี"ติ อตฺตโน วสนฏฺฐานโต มหาคามํ คจฺฉนฺโต ตเมว มคฺคํ ปฏิปชฺชิ. โส อุปาสโก เถรํ ทูรโตว ทิสฺวา "เอกโตว อาคนฺตฺวา ๙- อิมินา อยฺเยน สทฺธึ เอกํ ธมฺมกถํ สุณนฺโต คมิสฺสามิ. สีลวนฺโต หิ สพฺพกาลํ ทุลฺลภา"ติ เวเคน เถรํ สมฺปาปุณิตฺวา อภิวาเทตฺวา สทฺธึ คจฺฉนฺโต เวลาย อุปกฏฺฐาย จินฺเตสิ "มยฺหํ หตฺเถ ปูฏกภตฺตํ นตฺถิ, อยฺยสฺส จ ภิกฺขากาโล สมฺปตฺโต, อยญฺจ เม ปริจฺจโย ๑๐- หตฺเถ อตฺถิ, เอกํ คามทฺวารํ ปตฺตกาเล อยฺยสฺส ปิณฺฑปาตํ ทสฺสามี"ติ.

ตสฺเสว ๑๑- จิตฺเต อุปฺปนฺนมตฺเตเยว เอโก ปูฏกภตฺตํ คเหตฺวา ตํ ฐานํ สมฺปตฺโต. อุปาสโก ตํ ทิสฺวา "ภนฺเต โถกํ อาคเมถ โถกํว อาคเมถา"ติ ๑๒- วตฺวา ตํ

@ฉ. สสปฺปิปริเสกํ ๔ ฉ.ม. เคเห จ ๕ ฉ.ม. อาคจฺฉามิ ๖ ม. อยฺยานํ วตฺเต