[๖๐๐-๖๑๑] อมตนฺเต ภิกฺขเว ปริภุญฺชนฺตีติ เต มรณวิรหิตํ นิพฺพานํ ปริภุญฺชนฺตีติ อตฺโถ. นนุ จ นิพฺพานํ โลกุตฺตรํ, กายคตาสติ โลกิยา, กถนฺตํ ปริภุญฺชนฺตา อมตํ ปริภุญฺชนฺตีติ? ตํ ภาเวตฺวา อธิคนฺตพฺพโต. กายคตํ หิ สตึ ภาเวนฺโต อมตํ อธิคจฺฉติ, อภาเวนฺโต นาธิคจฺฉติ. ตสฺมา เอวํ วุตฺตํ. เอเตนุปาเยน สพฺพตฺถ อตฺโถ เวทิตพฺโพ. อปิเจตฺถ วิรทฺธนฺติ วิรทฺธิตํ ๑- นาธิคตํ. อารทฺธนฺติ ๒- ปริปุณฺณํ. ปมาทึสูติ ปมชฺชนฺติ. ปมุฏฺฐนฺติ ปมฺมุฏฺฐํ ๓- วิสฺสริตํ นฏฺฐํ วา. อาเสวิตนฺติ อาทิโต เสวิตํ. ภาวิตนฺติ วฑฺฒิตํ. พหุลีกตนฺติ ปุนปฺปุนํ กตํ. อนภิญฺญาตนฺติ ญาตอภิญฺญาย อชานิตํ. อปริญฺญาตนฺติ ญาตอปริญฺญาวเสเนว ๔- อปริญฺญาตํ. อสจฺฉิกตนฺติ อปฺปจฺจกฺขกตํ. ๕- สจฺฉิกตนฺติ ปจฺจกฺขกตํ. ๕- เสสํ สพฺพตฺถ อุตฺตานตฺถเมวาติ.

อมตวคฺควณฺณนา นิฏฺฐิตา.

มโนรถปูรณิยา องฺคุตฺตรนิกายฏฺฐกถาย

สหสฺสสุตฺตนฺตปริมาณสฺส