๑. ปฐมปณฺณาสก

๑. กมฺมกรณวคฺค ๑. วชฺชสุตฺตวณฺณนา

[๑] ทุกนิปาตสฺส ปฐเม วชฺชานีติ โทสา อปราธา. ทิฏฐธมฺมิกนฺติ ทิฏเฐว ธมฺเม อิมสฺมึเยว อตฺตภาเว อุปฺปนฺนผลฺ. สมฺปรายิกนฺติ สมฺปราเย อนาคเต อตฺตภาเว อุปฺปนฺนผลฺ. อาคุจารินฺติ ปาปการึ อปราธการกํ. ราชาโน คเหตฺวา วิวิธา กมฺมกรณา ๑- กาเรนฺเตติ ๒- โจรํ คเหตฺวา วิวิธา กมฺมกรณา ราชปุริสา กโรนฺติ, ราชาโน ปน ตา กาเรนฺติ นาม. ตํ โจรํ เอวํ กมฺมกรณา การิยมานํ เอส ปสฺสติ. เตน วุตฺตํ "ปสฺสติ โจรํ อาคุจารึ ราชาโน คเหตฺวา วิวิธา กมฺมกรณา กาเรนฺเต"ติ. อฑฺฒทณฺฑเกหีติ มุคฺคเรหิ, ๓- ปหรณตฺถํ ๔- วา จตุหตฺถทณฺฑํ เทฺวธา เฉตฺวา คหิตทณฺฑเกหิ. พิลงฺคถาลิกนฺติ กญฺชิยอุกฺขลิกกมฺมกรณํ. ตํ กโรนฺตา สีสกฏาหํ อุปฺปาเฏตฺวา ตตฺตํ อโยคุฬํ สณฺฑาเสน คเหตฺวา ตตฺถ ปกฺขิปนฺติ, เตน มตฺถลุงฺคํ ปกฺกุฏฐิตฺวา ๕- อุตฺตรติ. สงฺขมุณฺฑิกนฺติ ๖- สงฺขมุณฺฑิกกมฺมกรณํ.