๓. ตปนียสุตฺตวณฺณนา

[๓] ตติเย ตปนียาติ อิธ เจว สมฺปราเย จ ตปนฺตีติ ตปนียา. ตปฺปตีติ จิตฺตสนฺตาเปน ตปฺปติ อนุโสจติ กายทุจฺจริตํ กตฺวา นนฺทยกฺโข วิย นนฺทมาณโว วิย นนฺทโคฆาตโก วิย เทวทตฺโต วิย เทฺว ภาติกา วิย จ. เต กิร คาวึ ๔- วธิตฺวา มํสํ เทฺว โกฏฺฐาเส อกํสุ. ตโต กนิฏฺโฐ เชฏฐกํ อาห "มยฺหํ ทารกา พหู, อิมานิ เม ๕- อนฺตานิ เทหี"ติ. อถ นํ โส "สพฺพมํสํ เทฺวธา วิภตฺตํ, ปุน กึ มคฺคสี"ติ ปหริตฺวา ชีวิตกฺขยํ ปาเปสิ. นิวตฺติตฺวา ปน ๖- โอโลเกนฺโต มตํ ทิสฺวา "ภาริยํ เม กมฺมํ กตนฺติ จิตฺตํ อุปฺปาเทสิ. อถสฺส พลวโสโก อุปฺปชฺชิ. โส ฐิตฏฺฐาเนปิ นิสินฺนฏฐาเนปิ ตเทว กมฺมํ อาวชฺเชติ, จิตฺตสฺสาทํ น ลภติ. อสิตปีตขาทิตสายิตํปิสฺส สรีเร โอชํ น ผรติ, อฏฺฐิจมฺมมตฺตเมว อโหสิ. อถ นํ เอโก เถโร ทิสฺวา "อุปาสก ตฺวํ ปหูตนฺนปาโน, อฏฺฐิจมฺมมตฺตเมว เต อวสิฏฺฐํ,

@๒ ฉ.ม.,อิ....อภิสงฺขารูปธิสงฺขาตานํ อุปธีนํ ๓ ม. อคฺคมคฺเคน ๔ ฉ.ม. คาวํ