มงฺคลํ, น อิโต พหิทฺธา ทกฺขิเณยฺยํ คเวสติ, อิธ จ ปุพฺพการํ

กโรตี"ติ. ๑-

อชฺชตคฺเคติ เอตฺถ อยํ อคฺคสทฺโท อาทิโกฏิโกฏฺฐาสเสฏฺเฐสุ ทิสฺสติ. "อชฺชตคฺเค สมฺม โทวาริก อาวรามิ ทฺวารํ นิคฺคณฺฐานํ นิคฺคณฺฐีนนฺ"ติอาทีสุ ๒- หิ อาทิมฺหิ ทิสฺสติ. "เตเนว องฺคุลคฺเคน ตํ องฺคุลคฺคํ ปรามเสยฺย. ๓- อุจฺฉุคฺคํ เวฬุคฺคนฺ"ติอาทีสุ โกฏิยํ. "อมฺพิลคฺคํ วา มธุรคฺคํ วา ติตฺตกคฺคํ วา, ๔- อนุชานามิ ภิกฺขเว วิหารคฺเคน วา ปริเวณคฺเคน วา ภาเชตุนฺ"ติอาทีสุ ๕- โกฏฺฐาเส. "ยาวตา ภิกฺขเว สตฺต อปทา วา ฯเปฯ ตถาคโต เตสํ อคฺคมกฺขายตี"ติอาทีสุ ๖- เสฏฺเฐ.