@๔ ฉ.ม.,อิ. เอวเมวํ ยํ ๕ ฉ.ม. อยํ ปาโฐ น ทิสฺสติ ๖ ฉ.ม. สพฺพํ เนยฺยํ ฐปิตํ อามลกํ วิย ปสฺสนฺเตน. วุฑฺฒภูมีติ เยน การเณน วุฑฺโฒ นาม โหติ, ตํ การณํ. ทหรภูมีติ เยน การเณน ทหโร นาม โหติ, ตํ การณํ. อาสีติโกติ อสีติวสฺสวโย. นาวุติโกติ นวุติวสฺสวโย. กาเม ปริภุญฺชตีติ วตฺถุกาเม กิเลสกาเมติ ทุวิเธปิ กาเม กามวเสน ปริภุญฺชติ. กามมชฺฌาวสตีติ ทุวิเธปิ กาเม ฆเร ฆรสามิโก วิย วสติ อธิวสติ. กามปริเยสนาย อุสฺสุกฺโกติ ทุวิธานํปิ กามานํ ปริเยสนตฺถํ อุสฺสุกฺกมาปนฺโน. พาโล น เถโรเตฺวว สงฺขํ คจฺฉตีติ โส น เถโร ๑- พาโล มนฺโทเตฺวว คณนํ คจฺฉติ. วุตฺตํ เหตํ:-

"น เตน จ เถโร ๒- โหติ เยนสฺส ปลิตํ สิโร

ปริปกฺโก วโย ตสฺส โมฆชิณฺโณติ วุจฺจตี"ติ. ๓-

ทหโรติ ตรุโณ. ยุวาติ โยพฺพเนน สมนฺนาคโต. สุสุ กาฬเกโสติ สุฏฺฐุ กาฬเกโส. ภเทฺรน โยพฺพเนน สมนฺนาคโตติ เยน ๔- โยพฺพเนน สมนฺนาคตตฺตา ๕- ยุวา, ตํ โยพฺพนํ ภทฺรกนฺติ ๖- ทสฺเสติ. ปฐเมน วยสาติ ปฐมวโย นาม เตตฺตึสวสฺสานิ, เตน สมนฺนาคโตติ อตฺโถ. ปณฺฑิโต เถโรเตฺวว สงฺขํ คจฺฉตีติ โส เอวรูโป ปุคฺคโล ปณฺฑิโตติ จ เถโรติ จ คณนํ คจฺฉตีติ. วุตฺตํปิ เจตํ:-