9. Paṭicchannasuttavaṇṇanā

[132] Navame vahantīti niyyanti. Paṭicchanno vahatīti paṭicchannova hutvā niyyāti. Vivaṭo virocatīti ettha ekato ubhato attato sabbatthakatoti catudhā vivaṭatā veditabbā. Tattha ekato vivaṭaṃ nāma asādhāraṇasikkhāpadaṃ. Ubhato vivaṭaṃ nāma sādhāraṇasikkhāpadaṃ. Attato vivaṭaṃ nāma paṭiladdhadhammaguṇo. Sabbatthakato vivaṭaṃ nāma tepiṭakaṃ buddhavacanaṃ.

@4 cha.Ma. āmagandhenāti kodhasaṅkhātena vissagandhena 5 Sī. paretīti gacchati