4. Accayasuttavaṇṇanā

[4] Catutthe accayaṃ accayato na passatīti attano aparādhaṃ aparādhato na passati. Accayato disvā yathādhammaṃ na paṭikarotīti "aparaddhaṃ mayā"ti ñatvāpi yo dhammo, taṃ na karoti, daṇḍakammaṃ āharitvā accayaṃ na deseti nakkhamāpeti. Accayaṃ desentassa yathādhammaṃ na paṭiggaṇhātīti parassa "viraddhaṃ mayā"ti ñatvā daṇḍakammaṃ āharitvā khamāpentassa na khamati. Sukkapakkho vuttapaṭipakkhato veditabbo.

@3 cha.Ma. catudīpikameghena 4 cha.Ma.,i. paññāyati no vipattiyoti