gilānapaccayabhesajjaparikkhārehi pañcahi vā kāmaguṇehi asantuṭṭhassa

bhiyyokamyatā, yā evarūpā icchā icchāgatā mahicchatā rāgo sārāgo

cittassa sārāgo. Ayaṃ vuccati mahicchatā"ti.

[63] Tatiye appicchatāti alobho. Appicchassāti anicchassa. Ettha hi byañjanaṃ sāvasesaṃ viya, attho pana niravaseso. Na hi appamattikāya icchāya atthibhāvena so appicchoti vutto, icchāya pana abhāvena punappunaṃ āsevitassa alobhasseva bhāvena appicchoti vutto.