samavāye khaṇe kāle samūhe hetudiṭṭhisu

paṭilābhe pahāne ca paṭivedhe ca dissati.

Tathā hissa "appevanāma svepi upasaṅkameyyāma kālañca samayañca upādāyā"ti evamādīsu samavāyo attho. "ekova kho bhikkhave khaṇo ca samayo ca brahmacariyavāsāyā"tiādīsu khaṇo. "uṇhasamayo pariḷāhasamayo"tiādīsu kālo. "mahāsamayo pavanasmin"tiādīsu samūho. "samayopi kho te bhaddāli appaṭividdho ahosi, bhagavā kho sāvatthiyaṃ viharati, bhagavāpi maṃ jānissati `bhaddāli nāma