Tato seṭṭhī cintesi "sace me bhariyā dhītaraṃ vijāyissati, imameva puttaṃ karissāmi. Sace puttaṃ vijāyissati, māressāmī"ti. Cintetvā gehe posesi. Athassa bhariyā katipāhaccayena puttaṃ vijāyi. Tato seṭṭhī "evaṃ taṃ gāvo madditvā

@cha.,i. vijātāti 5 i. tenahi bhaṇe 6 i. ghātessāmīti 7 i. sā puttaṃ vijāyi Māressantī"ti cintetvā "imaṃ dārakaṃ vajadvāre nipajjāpethā"ti āha. Tattha naṃ nipajjāpesuṃ. Atha naṃ yūthapati usabho paṭhamaṃ nikkhamanto disvā "evaṃ taṃ aññe na maddissantī"ti catunnaṃ pādānaṃ antare katvā aṭṭhāsi. Atha naṃ gopālakā disvā "mahāpuñño eso dārako, yassa tiracchānagatāpi guṇaṃ jānanti, paṭijaggissāmi nan"ti attano gehaṃ nayiṃsu.

Sopi seṭṭhī tassa amatabhāvaṃ āvajjento "gopālakehi nīto"ti sutvā puna sahassaṃ datvā āṇāpetvā āmakasusāne chaḍḍāpesi. Tasmiṃ ca kāle seṭṭhissa ghare ajapālako susānaṃ nissāya ajikā hareti. Athekā dhenu ajikā dārakassa puññena maggā okkamma gantvā dārakassa khīraṃ datvā gatā. Tato nivattamānāpi tattheva gantvā khīramadāsi. Ajapālako cintesi "ayaṃ ajikā pātopi imasmā ṭhānā okkamitvā gatā, kiṃ nu kho etan"ti gantvā olokento taṃ dārakaṃ ñatvā "mahāpuñño esa dārako, tiracchānagatāpissa guṇaṃ jānanti, paṭijaggissāmi nan"ti gaṇhitvā gehaṃ gato.