Tasmiṃ samaye ambariyamahāvihāravāsī piṇḍapātiyatissatthero "mahāvihāraṃ gantvā cetiyaṃ vandissāmī"ti attano vasanaṭṭhānato mahāgāmaṃ gacchanto tameva maggaṃ paṭipajji. So upāsako theraṃ dūratova disvā "ekatova āgantvā iminā ayyena saddhiṃ ekaṃ dhammakathaṃ suṇanto gamissāmi. Sīlavanto hi sabbakālaṃ dullabhā"ti vegena theraṃ sampāpuṇitvā abhivādetvā saddhiṃ gacchanto velāya upakaṭṭhāya cintesi "mayhaṃ hatthe pūṭakabhattaṃ natthi, ayyassa ca bhikkhākālo sampatto, ayañca me pariccayo hatthe atthi, ekaṃ gāmadvāraṃ pattakāle ayyassa piṇḍapātaṃ dassāmī"ti.
Tasseva citte uppannamatteyeva eko pūṭakabhattaṃ gahetvā taṃ ṭhānaṃ sampatto. Upāsako taṃ disvā "bhante thokaṃ āgametha thokaṃva āgamethā"ti vatvā taṃ
@cha. sasappiparisekaṃ 4 cha.Ma. gehe ca 5 cha.Ma. āgacchāmi 6 Ma. ayyānaṃ vatte