dhunātha maccuno senaṃ naḷāgāraṃva kuñjaro.

Yo imasmiṃ dhammavinaye appamatto vihessati

pahāya jātisaṃsāraṃ dukkhassantaṃ karissatī"ti idaṃ ṭhānaṃ sutvā "mādisassa āraddhaviriyassa bhikkhuno sammāsambuddhena idaṃ kathitaṃ bhavissatī"ti pītiṃ uppādetvā jhānaṃ nibbattetvā tadeva pādakaṃ katvā anāgāmiphale patiṭṭhāya aparāparaṃ vāyamanto saha paṭisambhidāhi arahattaṃ pāpuṇi. Parinibbānakālepi tadeva kāraṇaṃ dassento evamāha:-

"allapalāsapuñjāhaṃ sirenādāya caṅkamiṃ