"sekhassa sikkhamānassa ujumaggānusārino

khayasmiṃ paṭhamaṃ ñāṇaṃ tato aññā anantarā"ti ettha maggo "āsavakkhayo"ti vutto. "āsavānaṃ khayā samaṇo hotī"ti ettha phalaṃ.

"paravajjānupassissa niccaṃ ujjhānasaññino

āsavā tassa vaḍḍhanti ārā so āsavakkhayā"ti ettha nibbānaṃ. Imasmiṃ pana sutte phalaṃ sandhāya "āsavānaṃ khayāyā"ti āha, arahattaphalatthāyāti attho.