8. Devalokasuttavaṇṇanā

[18] Aṭṭhame aṭṭiyeyyāthāti aṭṭāpīḷitā bhaveyyātha. Harāyeyyāthāti lajjeyyātha. Jiguccheyyāthāti gūthe viya tasmiṃ vacane sañjātajigucchā bhaveyyātha. Iti kirāti ettha itīti padasandhibyañjanasiliṭṭhatā, kirāti anussavatthe nipāto. Dibbena kira āyunā aṭṭiyeyyāthāti evamassa sambandho veditabbo. Pageva kho panāti paṭhamataraṃyeva.