7. Jigucchitabbasuttavaṇṇanā

[27] Sattame jigucchitabboti gūthaṃ viya jigucchitabbo. Athakho nanti athakho assa. Kittisaddoti kathāsaddo. Evameva khoti ettha gūthakūpo viya dussīlyaṃ gūthakūpe patitvā ṭhitova dhammaniahi viya dussīlapuggalo. Daṭṭhabbaṃ. Gūthakūpato uddhariyamānena tena ahinā purisassa sarīraṃ āruḷhenāpi adaṭṭhabhāvo viya dussīlaṃ sevamānassāpi tassa kiriyāya akaraṇabhāvo. Sarīraṃ gūthena makkhitvā ahinā gahitakālo viya dussīlaṃ sevamānassa pāpakittisaddaabbhuggamanakālo veditabbo.

@3 cha.Ma.,i. makkhetvā 4 cha.Ma. gatakālo