Kusalākusalesu pana garukāgarukesu yaṃ garukaṃ hoti, taṃ yaggarukaṃ nāma. Tadetaṃ kusalapakkhe mahaggatakammaṃ, akusalapakkhe pañcānantariyakammaṃ veditabbaṃ. Tasmiṃ sati sesāni kusalāni vā akusalāni vā vipaccituṃ na sakkonti, tadeva duvidhampi paṭisandhiṃ deti. Yathā hi sāsapappamāṇāpi sakkharā vā ayaguḷikā vā udakarahade pakkhittā udakapiṭṭhe uppilavituṃ na sakkoti, heṭṭhāva pavisati, evameva kusalepi akusalepi yaṃ garukaṃ, tadeva gaṇhitvā gacchati.

@4 cha.Ma.,i. dīpetabbo 5 cha.Ma. ḍaṃsati, i. ḍasati

@6 cha.Ma.,i. evamevaṃ 7 Sī.,i. māsappamāṇāpi