[๑๕๐] เอตทคฺคํ ภิกฺขเว มม สาวิกานํ ภิกฺขุนีนํ รตฺตญฺญูนํ ยทิทํ มหาปชาปตี โคตมี ฯ มหาปญฺญานํ ยทิทํ เขมา ฯ อิทฺธิมนฺตานํ ยทิทํ อุปฺปลวณฺณา ฯ วินยธรานํ ยทิทํ ปฏาจารา ฯ ธมฺมกถิกานํ ยทิทํ ธมฺมทินฺนา ฯ ฌายีนํ ยทิทํ นนฺทา ฯ อารทฺธวิริยานํ ยทิทํ โสณา ฯ ทิพฺพจกฺขุกานํ ยทิทํ สกุลา ๑ ฯ ขิปฺปาภิญฺญานํ ยทิทํ ภทฺทา กุณฺฑลเกสา ฯ ปุพฺเพนิวาสํ อนุสฺสรนฺตีนํ ยทิทํ ภทฺทา กปิลานี ๒ ฯ มหาภิญฺญปฺปตฺตานํ ยทิทํ ภทฺทา กจฺจานา ๓ ฯ ลูขจีวรธรานํ ยทิทํ กิสาโคตมี ฯ สทฺธาธิมุตฺตานํ ยทิทํ สิคาลมาตาติ ๔ ฯ วคฺโค ปญฺจโม ฯ