[๑๕๑] เอตทคฺคํ ภิกฺขเว มม สาวกานํ อุปาสกานํ ปฐมํ สรณํ คจฺฉนฺตานํ ยทิทํ ตปุสฺสภลฺลิกา วาณิชา ฯ ทายกานํ ยทิทํ สุทตฺโต คหปติ อนาถปิณฺฑิโก ฯ ธมฺมกถิกานํ ยทิทํ จิตฺโต คหปติ มจฺฉิกสณฺฑิโก ๕ ฯ จตูหิ สงฺคหวตฺถูหิ ปริสํ สํคณฺหนฺตานํ ยทิทํ หตฺถโก อาฬวโก ฯ ปณีตทายกานํ ยทิทํ มหานาโม สกฺโก ฯ มนาปทายกานํ ยทิทํ อุคฺโค คหปติ เวสาลิโก ฯ สงฺฆุปฏฺฐากานํ ยทิทํ ๖ อุคฺคโต คหปติ ฯ อเวจฺจปฺปสนฺนานํ ยทิทํ สูโร อมฺพฏฺโฐ ๗ ฯ ปุคฺคลปฺปสนฺนานํ ยทิทํ ชีวโก โกมารภจฺโจ ฯ วิสฺสาสกานํ ยทิทํ นกุลปิตา คหปตีติ ฯ วคฺโค ฉฏฺโฐ ฯ #๑ ม. พกุลา ฯ ๒ ม. กาปิลานี ฯ ๓ ม. ภทฺทกจฺจานา ฯ ๔ สิงฺคาลกมาตา ฯ #๕ มจฺฉิกาสณฺทิโก ฯ ๖ ม. หตฺถิคามโก ฯ ๗ ม. สุรพนฺโธ ฯ