TIPITAKA Volume 20 : PALI ROMAN Sutta Pitaka Vol 12 : Sutta. Aṅ. (1): eka-duka-tikanipātā

[482] 43 Tayo bhikkhave atthavase sampassamānena alameva paresaṃ dhammaṃ desetuṃ katame tayo yo dhammaṃ deseti so atthapaṭisaṃvedī ca hoti dhammapaṭisaṃvedī ca yo dhammaṃ suṇāti so atthapaṭisaṃvedī ca hoti dhammapaṭisaṃvedī ca yo ceva dhammaṃ deseti yo ca dhammaṃ suṇāti ubho atthapaṭisaṃvedino ca honti dhammapaṭisaṃvedino ca ime kho bhikkhave tayo atthavase sampassamānena alameva paresaṃ dhammaṃ desetunti.