TIPITAKA Volume 20 : PALI ROMAN Sutta Pitaka Vol 12 : Sutta. Aṅ. (1): eka-duka-tikanipātā Āpāyikavaggo dutiyo

[553] 114 Tayome bhikkhave āpāyikā nerayikā idamappahāya katame tayo yo ca abrahmacārī abrahmacāripaṭiñño yo ca suddhabrahmacāriṃ suddhaṃ brahmacariyaṃ carantaṃ amūlakena brahmacariyena anuddhaṃseti yocāyaṃ evaṃvādī evaṃdiṭṭhi natthi kāmesu dosoti so 1- kāmesu pātabyataṃ āpajjati ime kho bhikkhave tayo āpāyikā nerayikā idamappahāyāti.