[๒๓๓] ทุติเย สพฺยาปชฺฌนฺติ สโทสํ. กายสงฺขารนฺติ กายทฺวาเร เจตนํ. อภิสงฺขโรตีติ อายูหติ สมฺปิณฺเฑตีติ อตฺโถ. เสสทฺวเยปิ เอเสว นโย. สพฺยาปชฺฌํ

๓. โสณกายนสุตฺตวณฺณนา

[๒๓๔] ตติเย สิขาโมคฺคลฺลาโนติ สีสมชฺเฌ ฐิตาย มหติยา สิขาย สมนฺนาคโต โมคฺคลฺลานโคตฺโต พฺราหฺมโณ. ปุริมานีติ อตีตานนฺตรทิวสโต ปฏฺฐาย ปุริมานิ, ทุติยาทิโต ปฏฺฐาย ปุริมตรานิ เวทิตพฺพานิ. โสณกายโนติ ตสฺเสว อนฺเตวาสิโก. กมฺมสจฺจายํ โภ โลโกติ โภ อยํ โลโก กมฺมสภาโว. กมฺมสมารมฺภฏฺฐายีติ กมฺมสมารมฺเภน ติฏฺฐติ. กมฺมํ อายูหนฺโตว ปติฏฺฐติ, อนายูหนฺโต อุจฺฉิชฺชตีติ ทีเปติ. เสสํ เหฏฺฐา วุตฺตนยเมว.