4. Kāḷakārāmasuttavaṇṇanā

[24] Catutthaṃ atthuppattiyaṃ nikkhittaṃ. Katarāya atthuppattiyāti dasabalassa guṇakathāya. Anāthapiṇḍikassa kira dhītā cūḷasubhaddā "sāketanagare kāḷakaseṭṭhiputtassa gehaṃ gamissāmī"ti satthāraṃ upasaṅkamitvā "bhante ahaṃ micchādiṭṭhikakulaṃ gacchāmi. Sace tattha sakkāraṃ labhissāmi, ekasmiṃ purise pesiyamāne papañco bhavissati, maṃ āvajjeyyātha bhagavā"ti paṭiññaṃ gahetvā agamāsi. Seṭṭhī "suṇisā me āgatā"ti maṅgalaṃ karonto bahuṃ khādanīyabhojanīyaṃ paṭiyādetvā

@3 Ma. pahīnaṭṭhena 4 cha.Ma. atthuppattiyanti