2. Dutiyapuññābhisandasuttavaṇṇanā

[52] Dutiye ariyakantehīti maggaphalasampayuttehi. Tāni hi ariyānaṃ kantāni honti piyāni manāpāni. Sesaṃ suttante tāva yaṃ vattabbaṃ siyā, taṃ visuddhimagge vuttameva.

Gāthāsu pana saddhāti sotāpannassa saddhā adhippetā. Sīlanti sotāpannassa sīlameva. Ujubhūtañca dassananti kāyavaṅkādīnaṃ abhāvena khīṇāsavassa dassanaṃ ujubhūtadassanannāma. Āhūti kathayanti. Pasādanti buddhadhammasaṃghesu pasādaṃ. Dhammadassananti catusaccadhammadassanaṃ.