10. Gihisāmīcisuttavaṇṇanā

[60] Dasame gihisāmīcipaṭipadanti gihīnaṃ anucchavikaṃ paṭipattiṃ. Paccupaṭṭhito hotīti abhiharitvā dātukāmatāya patiupaṭṭhito hoti upagato, bhikkhusaṃghassa cīvaraṃ detīti attho.

Upaṭṭhitāti upaṭṭhāyako. Tesaṃ divā ca ratto cāti ye ca evaṃ catūhi paccayehi upaṭṭhahanti, tesaṃ divā ca rattiṃ ca pariccāgavasena ca anussaraṇavasena