7. Dutiyakālasuttavaṇṇanā

[147] Sattame kālāti tasmiṃ tasmiṃ kāle dhammassavanādivasena pavattānaṃ kusaladhammānaṃ etaṃ adhivacanaṃ. Te vibhāvissanti ceva anuparivattissanti ca. Āsavānaṃ khayanti arahattaṃ. Aṭṭhamaṃ uttānameva.

9-10. Sucaritasuttādivaṇṇanā

[149-150] Navame saṇhavācāti mudukavācā. Mantabhāsāti mantasaṅkhātāya paññāya paricchinditvā kathitakathā. Dasame sīlasāroti sārasampāpakaṃ sīlaṃ. Sesesupi eseva nayo.