TIPITAKA Volume 21 : PALI ROMAN Sutta Pitaka Vol 13 : Sutta. Aṅ. (2): catukkanipāto

[64] Catūhi bhikkhave dhammehi samannāgato puggalo yathābhataṃ nikkhitto evaṃ niraye katamehi catūhi pāṇātipātī hoti adinnādāyī hoti kāmesu micchācārī hoti musāvādī hoti imehi kho bhikkhave catūhi dhammehi samannāgato puggalo yathābhataṃ nikkhitto evaṃ nirayeti. Pāṇātipāto adinnādānaṃ musāvādo ca vuccati paradāragamanañcāpi nappasaṃsanti paṇḍitāti.