๑. สังขิตตสูตร

มโนรถปูรณี นาม องฺคุตฺตรนิกายฏฺฐกถา

ปญฺจกาทินิปาตวณฺณนา

นโม ตสฺส ภควโต อรหโต สมฺมาสมฺพุทธสฺส.

ปญฺจกนิปาตวณฺณนา

๑. ปฐมปณฺณาสก

๑. เสขพลวคฺค ๑. สงฺขิตฺตสุตฺตวณฺณนา

ปญฺจกนิปาตสฺส ปฐเม สตฺตนฺนํ เสขานํ พลานีติ เสขพลานิ. สทฺธาพลาทีสุ อสฺสทฺธิเยน ๑- น กมฺปตีติ สทฺธาพลํ. อหิริเกน ๒- น กมฺปตีติ หิริพลํ. อโนตฺตปฺเปน ๓- น กมฺปตีติ โอตฺตปฺปพลํ. โกสชฺเชน ๔- น กมฺปตีติ วิริยพลํ. อวิชฺชาย น กมฺปตีติ ปญฺญาพลํ. ตสฺมาติ ยสฺมา อิมานิ สตฺตนฺนํ เสขานํ พลานิ, ตสฺมา.