๖. อานนฺทสุตฺตวณฺณนา

[๑๐๖] ฉฏฺเฐ โน จ ปรํ อธิสีเล สมฺปวตฺตา โหตีติ ปรํ สีลภาเวน น ครหติ น อุปวทติ. อตฺตานุเปกฺขีติ อตฺตโนว กตากตํ ชานนวเสน อตฺตานํ อนุเปกฺขิตา. โน ปรานุเปกฺขีติ ปรสฺส กตากเตสุ อพฺยาวโฏ. อปฺปญฺญาโตติ อปากโฏ อปฺปปุญฺโญ. อปฺปญฺญาตเกนาติ อปฺปญฺญาตภาเวน อปากฏตาย มนฺทปุญฺญตาย. โน ปริตสฺสตีติปริตาสํ นาปชฺชติ. อิติ อิมินา สุตฺเตน ๒- ขีณาสโวว กถิโตติ.