๑๒. ๒. อนฺธกวินฺทวคฺค

๑. กุลุปกสุตฺตวณฺณนา

[๑๑๑] ทุติยสฺส ปฐเม อสนฺถววิสฺสาสีติ อตฺตนา สทฺธึ สนฺถวํ อกโรนฺเตสุ วิสฺสาสํ อนาปชฺชนฺเตสุเยว วิสฺสาสํ กโรติ. อนิสฺสรวิกปฺปีติ อนิสฺสโรว สมาโน "อิมํ เทถ, อิมํ คณฺหถา"ติ อิสฺสโร วิย วิกปฺเปติ. พฺยตฺถุปเสวีติ วิสฺสฏฺฐานิ ๑- ภินฺนกุลานิ ฆฏนตฺถาย อุปเสวติ. อุปกณฺณกชปฺปีติ กณฺณมูเล มนฺตํ คณฺหาติ. สุกฺกปกฺโข วุตฺตวิปริยาเยน เวทิตพฺโพ.