๑๔. ๔. ราชวคฺค

๑. ปฐมจกฺกานุวตฺตนสุตฺตวณฺณนา

[๑๓๑] จตุตฺถสฺส ปฐเม ธมฺเมนาติ ทสกุสลธมฺเมน. จกฺกนฺติ อาณาจกฺกํ. อตฺถญฺญูติ รชฺชตฺถํ ๔- ชานาติ. ธมฺมญฺญูติ ปเวณิธมฺมํ ชานาติ. มตฺตญฺญูติ ทณฺเฑ วา พลิสฺมึ วา ปมาณํ ชานาติ. กาลญฺญูติ รชฺชสุขานุภวนกาลํ วินิจฺฉยกรณกาลํ ชนปทจาริกกาลญฺจ ชานาติ. ปริสญฺญูติ อยํ ปริสา ขตฺติยปริสา, อยํ พฺราหฺมณปริสา เวสฺสปริสา สุทฺทปริสา สมณปริสาติ ชานาติ.