๕. มุณฺฑราชวคฺค

๑. อาทิยสุตฺตวณฺณนา

[๔๑] ปญฺจมสฺส ปฐเม โภคานํ อาทิยาติ โภคานํ อาทาตพฺพการณานิ. อุฏฺฐานวิริยาธิคเตหีติ อุฏฺฐานสงฺขาเตน วิริเยน อธิคเตหิ. พาหาพลปริจิเตหีติ พาหุพเลน สญฺจิเตหิ. เสทาวกฺขิตฺเตหีติ เสเท ๓- อวกฺขิเปตฺวา ๔- อุปฺปาทิเตหิ. ธมฺมิเกหีติ ธมฺมยุตฺเตหิ. ธมฺมลทฺเธหีติ ทสกุสลธมฺมํ อโกเปตฺวา ธมฺเมน ๕- ลทฺเธหิ. ปีเณตีติ ปีณํ ๖- ถูลํ กโรติ. เสสเมตฺถ จตุกฺกนิปาเต วุตฺตนเยเนว เวทิตพฺพํ. ทุติยํ อุตฺตานตฺถเมว.