๖. อุปชฺฌายสุตฺตวณฺณนา

[๕๖] ฉฏฺเฐ มธุรกชาโตติ สญฺชาตครุภาโว. ทิสา จ เม น ปกฺขายนฺตีติ จตสฺโส ทิสา จ อนุทิสา จ มยฺหํ น อุปฏฺฐหนฺตีติ วทติ. ธมฺมา จ มํ นปฺปฏิกนฺตีติ สมถวิปสฺสนาธมฺมาปิ เม น อุปฏฺฐหนฺติ. อนภิรโต จ พฺรหฺมจริยํ จรามีติ อุกฺกณฺฐิโต หุตฺวา พฺรหฺมจริยวาสํ วสามิ. เยน ภควา เตนุปสงฺกมีติ ตสฺส กถํ สุตฺวา "พุทฺธเวเนยฺยปุคฺคโล อยนฺ"ติ ตํ การณํ ภควโต อาโรเจตุํ อุปสงฺกมิ. อวิปสฺสกสฺส กุสลานํ ธมฺมานนฺติ กุสเล ธมฺเม อวิปสฺสนฺตสฺส, อเนสนฺตสฺส อคเวสนฺตสฺสาติ อตฺโถ. โพธิปกฺขิกานนฺติ ๖- สติปฏฺฐานาทีนํ สตฺตตึสธมฺมานํ.

@๔ ฉ.ม. กุโตจิ ภยํ ๕ ฉ.ม. ปารงฺคตาติ ๖ ฉ.ม. โพธิปกฺขิยานํ ธมฺมานนฺติ