@ ๖ ฉ.ม. อยํ ปาโฐ น ทิสฺสติ ๗ ฉ.ม. พฺยญฺชนปุพฺพาปรํ วุตฺเตปิ "อุปริ อตฺโถ อตฺถี"ติ ชานาติ. อุภโต ฐเปตฺวา มชฺเฌ อตฺเถ วุตฺเต "อุภโต อตฺโถ อตฺถี"ติ ชานาติ. มชฺเฌ อตฺถํ ฐเปตฺวา อุภโตภาเคสุ อตฺเถสุ วุตฺเตสุ ๑- "มชฺเฌ อตฺโถ อตฺถี"ติ ชานาติ. ธมฺมปุพฺพาปราทีสุปิ เอเสว นโย. อนุสนฺธิปุพฺพาปเร ปน สีลํ อาทึ กตฺวา อารทฺเธ สุตฺตนฺเต มตฺถเก ฉสุ อภิญฺญาสุ อาคตาสุ "ยถานุสนฺธึ ยถานุปทจฺเฉทํ ๒- สุตฺตนฺโต คโต"ติ ชานาติ. ทิฏฺฐิวเสน อารทฺเธ อุปริ สจฺเจสุ อาคเตสุปิ "ยถานุสนฺธินา คโต"ติ ชานาติ. กลหภณฺฑนวเสน อารทฺเธ อุปริ สารณียธมฺเมสุ อาคเตสุปิ, ทฺวตฺตึสติรจฺฉานกถา- วเสน อารทฺเธ อุปริ ทสกถาวตฺถูสุ ๓- อาคเตสุปิ "ยถานุสนฺธินา คโต"ติ ชานาตีติ.