ตตฺริมานิ วตฺถูนิ:- เลณคิริวาสี ๒- ติสฺสตฺเถโร กิร มหาขีรคามํ ๓- อุปนิสฺสาย วสติ, ปญฺญาส มหาเถรา นาคทีปํ เจติยวนฺทนตฺถาย คจฺฉนฺตา ขีรคาเม ๔- ปิณฺฑาย จริตฺวา กิญฺจิ อลทฺธา นิกฺขมึสุ. เถโร ปวิสนฺโต เต ทิสฺวา ปุจฺฉิ "ลทฺธํ ภนฺเต"ติ. วิจริมฺหา อาวุโสติ. โส อลทฺธภาวํ ญตฺวา อาห "ภนฺเต ยาวาหํ อาคจฺฉามิ, ตาว อิเธว โหถา"ติ, มยํ อาวุโส ปญฺญาสชนา ปตฺตโธวนมตฺตํปิ ๕- น ลภิมฺหาติ. ภนฺเต เนวาสิกา นาม ปฏิพลา โหนฺติ, อลภนฺตาปิ ภิกฺขาจาร- มคฺคสภาคํ ชานนฺตีติ. เถรา อาคมยึสุ. ๖- เถโร คามํ ปาวิสิ. ธุรเคเหเยว มหาอุปาสิกา ขีรภตฺตํ สชฺเชตฺวา เถรํ โอโลกยมานา ฐิตา เถรสฺส ทฺวารํ สมฺปตฺตสฺเสว ปตฺตํ ปูเรตฺวา อทาสิ. โส ตํ อาทาย เถรานํ สนฺติกํ คนฺตฺวา "คณฺหถ ภนฺเต"ติ สํฆตฺเถรํ อาห. เถโร "อเมฺหหิ เอตฺตเกหิ กิญฺจิ น ลทฺธํ, อยํ สีฆเมว คเหตฺวา อาคโต, กึ นุ โข"ติ เสสานํ มุขํ โอโลเกสิ. เถโร

@มหาสจฺจกสุตฺต ๓ ฉ.ม. มหาคิริคามํ ๔ ฉ.ม. คิริคาเม

@๕ ฉ.ม. ปตฺตเตมนมตฺตมฺปิ ๖ ฉ.ม. อาคเมสุํ ธมฺเมน สเมน ลทฺโธ, นิกฺกุกฺกุจฺจา คณฺหถา"ติ อาทิโต ปฏฺฐาย สพฺเพสํ ยาวทตฺถํ ทตฺวา อตฺตนาปิ ยาวทตฺถํ ภุญฺชิ.