๒-๓. อปริหานสุตฺตทฺวยวณฺณนา

[๓๒-๓๓] ทุติเย สตฺถุคารวตาติ สตฺถริ ครุภาโว. ธมฺมคารวตาติ นววิธโลกุตฺตรธมฺเม ครุภาโว. สํฆคารวตาติ สํเฆ ครุภาโว. สิกฺขาคารวตาติ ตีสุ สิกฺขาสุ ครุภาโว. ๓- อปฺปมาทคารวตาติ อปฺปมาเท ครุภาโว. ปฏิสนฺถาร- คารวตาติ ธมฺมามิสวเสน ทุวิเธ ปฏิสนฺถาเร ครุภาโว. สตฺถา ๔- ครุ อสฺสาติ สตฺถุครุ. ธมฺโม ๕- ครุ อสฺสาติ ธมฺมครุ. ติพฺพคารโวติ พหลคารโว. ปฏิสนฺถาเร คารโว อสฺสาติ ปฏิสนฺถารคารโว. ตติเย สปฺปติสฺโสติ สเชฏฺฐโก สคารโว.