8. Sappurisadānasuttavaṇṇanā

[148] Aṭṭhame saddhāyāti dānaṃ ca dānaphalaṃ ca saddahitvā. Kālenāti yuttappayuttakālena. Anaggahitacittoti aggahitacitto muttacāgo hutvā. Anupahaccāti anupaghātetvā guṇe amakkhetvā. Kālāgatā cassa atthā paripūrā hontīti atthā āgacchamānā vayovuḍḍhakālena anāgantvā yuttappayuttakāle paṭhamavayasmiṃyeva āgacchanti ceva bahū ca honti.