7. Khemasuttavaṇṇanā

[49] Sattame vusitavāti vuṭṭhabrahmacariyavāso. Katakaraṇīyoti catūhi maggehi kattabbaṃ katvā ṭhito. Ohitabhāroti khandhabhāraṃ kilesabhāraṃ abhisaṅkhārabhārañca otāretvā ṭhito. Anuppattasadatthoti sadattho vuccati arahattaṃ, taṃ pattoti attho.

@5 cha.Ma. dussanākāraṃ Parikkhīṇabhavasaṃyojanoti khīṇabhavabandhano. Sammadaññā vimuttoti sammā hetunā kāraṇena jānitvā vimutto. Tassa na evaṃ hoti atthi me seyyoti vātiādīhipi seyyassa seyyohamasmīti mānādayo tayo mānā paṭikkhittā. Na hi khīṇāsavassa "atthi mayhaṃ seyyo, atthi sadiso, atthi hīno"ti māno hoti. Natthi me seyyotiādīhipi teyeva paṭikkhittā. Na hi khīṇāsavassa "ahameva seyyo, ahaṃ sadiso, ahaṃ hīno, aññe seyyādayo atthī"ti evaṃ māno hoti.